САНТОРИНИ – најромантичниот остров на Грција
Еден остров. Илјада причини да се вљубите. Санторини ве очекува со спектакуларни зајдисонца, бело-сина архитектура, вулкански пејзажи, кристално чисто море и незаборавни панорами. Прошетајте низ Фира и Иа, откријте ја мистеријата на Акротири, запловете до вулканските островчиња и создадете спомени што ќе ги раскажувате долго по враќањето дома.
ЦЕНИ ЗА ФАКУЛТАТИВАТА :
ДОПЛАТИ :
НАПОМЕНИ:
Состанок на Градската автобуска станица во Битола во 16:45 часот. Поаѓање во 17:00 часот преку г.п. Меџитлија, Лерин, Птолемаида, Вериа, Катерини и Ламиа. Ноќно и дневно патување со попатни одмори.
Пристигнување во Пиреа во раните утрински часови. Трансфер до пристаништето во 06:30 часот и поаѓање со траект за Санторини во 07:30 часот. Пристигнување околу 15:30 часот, сместување во хотел и слободно време за одмор или плажа во Периса. Во вечерните часови – прошетка низ Фира, главниот град на Санторини, со можност за ноќно фотографирање. Враќање во Периса. Ноќевање.
Појадок. Можност за факултативен целодневен излет низ Санторини. Посета на археолошкиот локалитет Акротири, познатата Црвена плажа и Профитис Илиас, највисоката точка на островот со истоимениот манастир. Продолжуваме кон Фира и прошетка по Калдерата до Фиростефани. Во доцните попладневни часови – посета на живописната Иа (Oia) и уживање во еден од најпознатите залези на Санторини. Враќање во хотел. Ноќевање.
Појадок. Слободно време или можност за факултативно крстарење. Посета на вулканскиот остров Неа Камени со можност за искачување до активниот кратер (доплата 2,5 € на лице место). Продолжуваме кон Тирасија, со слободно време за кафе или ручек, а потоа кон Палиа Камени со можност за капење во термалните води. Пловидба покрај Калдерата со поглед кон Иа и Фира. Враќање во хотел. Слободно време. Ноќевање.
Појадок. Можност за факултативна посета на Koutsoyannopoulos Winery – Wine Museum, уникатен подземен музеј на виното со приказ на историјата и традицијата на производство на вино на Санторини. Околу пладне – посета на Имеровигли, еден од најубавите и најлуксузни делови на островот, и прошетка до Скарос, каде некогаш се наоѓал венецијански замок. Враќање во хотел во доцните попладневни часови. Вечерта, по желба – посета на Камари. Враќање околу 23:30 часот. Ноќевање.
Појадок и слободно време до одјавувањето од хотелот. Поаѓање кон Фира и време за последна прошетка низ градот. Во 14:00 часот – трансфер до пристаништето и поаѓање со траект кон Пиреа. Пристигнување во Пиреа околу 23:30 часот и поаѓање за Македонија. Пристигнување во Битола во раните утрински часови наредниот ден.
Може да ве Интересира
