Во ритамот на Шпанија – МАДРИД, градот што никогаш не престанува да инспирира.
Од раскошните булевари и кралските палати до уметничките ремек-дела во Прадо и живописните вечери со фламенко – Мадрид ќе ве освои со својата енергија и елеганција. Дополнете го доживувањето со посета на магичниот Толедо, град под заштита на УНЕСКО, каде христијанската, еврејската и арапската култура создале едно од највпечатливите историски богатства во Европа. Ова е патување што совршено ги спојува историјата, уметноста, гастрономијата и модерниот дух на Шпанија.
ВАЖНО: Факултативните излети не се задолжителен дел од програмата и зависат од бројот на пријавени патници и се организирани од локална агенција, странски партнер. Странскиот партнер ја сноси целата одговорност за спроведување на факултативните излети. Пријавување и уплати за факултативните излети – во агенција. Минимум број на патници за реализација на факултативните излети е 15.
НАПОМЕНИ:
Состанок на аеродромот во Скопје во 14:00 часот. Полетување за Мадрид во 16:50 часот, со пристигнување во 20:40 часот. Организиран трансфер до хотел и сместување. Ноќевање.
Појадок. Организиран разглед на Мадрид со стручен водич: Plaza Mayor, Катедралата Almudena, Кралската палата, Teatro Real, Puerta del Sol, фонтаната Cibeles, паркот El Retiro, музејот Prado и фонтаната Neptuno. Слободно време за индивидуални прошетки и шопинг. Враќање во хотел. Вечерта – можност за факултативна посета на ресторан со традиционална фламенко програма. Ноќевање.
Појадок. Слободен ден или можност за факултативен излет до Толедо, поранешната престолнина на Шпанија и град под заштита на УНЕСКО. Разглед на историскиот центар со Alcázar, Plaza de Zocodover, Катедралата во Толедо, џамијата Cristo de la Luz, Еврејскиот кварт и синагогата Santa María la Blanca. Слободно време за индивидуални прошетки. Враќање во Мадрид околу 18:30 часот. Ноќевање.
Појадок и одјавување од хотелот. Слободно време за индивидуални прошетки и шопинг. Препорачуваме посета на музејот Prado, со неговата богата колекција на дела од Веласкес, Гоја, Ел Греко, Рубенс и други големи европски уметници. За љубителите на фудбалот – можност за посета на стадионот Santiago Bernabéu, домот на Real Madrid. Состанок на групата во хотелот околу 18:00 часот и трансфер до аеродромот во 18:30 часот. Полетување за Скопје во 21:25 часот. Пристигнување во околу 00:50 часот (17.10)
