Две земји. Илјада нијанси на зелена. Едно незаборавно патување.
Откријте ја магијата на Црното Море на патување што ги спојува природните чуда, богатата историја и шармот на две фасцинантни земји. Од историскиот Трабзон и мистичниот манастир Сумела, вгнезден високо во карпите, до бајковитото езеро Узунгол, каде шумите и планините се огледуваат во кристално чистата вода. Продолжете кон космополитскиот Батуми, каде модерната архитектура, морската променада и романтичните легенди создаваат уникатна атмосфера, а патувањето завршува во зелениот Ризе – домот на турскиот чај, спектакуларните водопади и бескрајните плантажи што се простираат по падините на Кавказ. Ова е авантура исполнета со величествени пејзажи, древни светилишта, живописни крајбрежја и незаборавни моменти, каде секој ден носи ново откритие, а секоја глетка останува засекогаш во сеќавање.
НАПОМЕНИ:
Состанок на аеродромот во Скопје во 06:30 часот. Полетување за Истанбул во 08:45, пристигнување во 11:20 часот. Продолжување за Трабзон во 13:45, со пристигнување во 15:30 часот. Организиран трансфер и сместување во хотел Zorlu Grand Hotel 5* во центарот на Трабзон. По краток одмор – разглед на Трабзон, со посета на Аја Софија, плоштадот Ататурк и централните градски улици. Слободно време за прошетка покрај Црното Море и индивидуални активности. Ноќевање.
Појадок. Поаѓање кон познатиот манастир Сумела, сместен на стрмна карпа на околу 1.200 метри надморска височина. Разглед на манастирскиот комплекс и неговите познати фрески. Продолжување кон Узунгол, живописно планинско езеро опкружено со густи шуми и традиционални дрвени куќи. Слободно време за прошетка, фотографирање и можност за ручек. Во доцните попладневни часови – враќање во Трабзон. Ноќевање.
Појадок и одјавување од хотелот. Поаѓање кон Грузија и Батуми, познатото летувалиште на брегот на Црното Море. Сместување во хотел Wyndham Batumi 5* во стариот дел на градот. По краток одмор – организиран разглед на Батуми со посета на познатата скулптура Али и Нино, Плоштадот Европа и централниот дел на градот. Слободно време за индивидуални прошетки. Враќање во хотел. Ноќевање.
Појадок. Посета на Ботаничката градина во Батуми, една од најпознатите ботанички градини во регионот, со богата суптропска вегетација и прекрасни панорамски погледи кон Црното Море. Враќање во Батуми и прошетка низ Плоштадот Европа, стариот град и крајбрежната променада. Слободно време за индивидуални активности или користење на хотелските содржини. Ноќевање.
Појадок и одјавување од хотелот. Поаѓање кон Турција и патување по живописното крајбрежје на Црното Море до Ризе. Сместување во хотел Ramada Plaza Rize 5*. Слободно време за одмор, користење на хотелскиот СПА центар или индивидуална прошетка низ градот. Вечера и ноќевање.
Појадок. Целодневен излет низ регионот на Ризе. Посета на живописната висорамнина Ајдер, сместена на околу 1.350 метри надморска височина, и водопадот Gelin Tülü во регионот на националниот парк Kaçkar. Продолжување кон познатите плантажи со чај во Ризе, со запознавање со традицијата и процесот на производство и можност за дегустација на свеж турски чај. Враќање во хотел. Слободно време. Вечера и ноќевање.
Појадок и одјавување од хотелот. Организиран трансфер до аеродромот во Трабзон. Полетување за Истанбул во 10:55 часот, пристигнување во 13:00 часот. Продолжување за Скопје во 18:55 часот, со пристигнување во 19:25 часот.
