Империјален раскош. Безвременска историја. Незаборавно доживување.
Доживејте патување низ светот на руските цареви, величествените палати и богатото културно наследство. Од елегантниот Санкт Петербург – градот на каналите, мостовите и царските резиденции, до грандиозната Москва – срцето на руската историја и симбол на една моќна империја. Очекувајте спектакуларна архитектура, светски познати музеи, величествени катедрали, романтични крстарења и незаборавно патување со брзиот воз Сапсан.
Прошетајте низ раскошните сали на Ермитаж, восхитете се на магичната Килибарска соба, откријте го Кремљ и Црвениот плоштад, уживајте во убавината на Петерхоф и доживејте ги вечерните панорами на двата града. Ова не е само патување – туку уникатно искуство што ве води низ највпечатливите симболи на царска Русија, каде секој чекор раскажува приказна за моќ, уметност и раскош.
ФАКУЛТАТИВНИ ИЗЛЕТИ (со водич, превоз и влезници вклучени):
Москва:
Ст. Петербург:
-Организаторот го задржува правото за промена на цените за факултативните излети во случај на промена на цените на влезниците во локалитетите
-За реализација на аранжманот, потребен е минимален број од 20 патници. Во случај на помал број пријавени патници организаторот го задржува правото да го откаже аранжманот или да ја корегира / зголеми цената.
Состанок на аеродромот во Скопје во 06:45 часот. Полетување со Turkish Airlines за Истанбул во 08:45, пристигнување во 11:20 часот. Полетување за Санкт Петербург во 20:30 часот, пристигнување во 00:10 часот. Трансфер до хотел, сместување. Ноќевање.
Појадок. Панорамски разглед на Санкт Петербург: Невски Проспект, Казанската катедрала, Дворскиот плоштад, Ермитаж, Адмиралитетот, Исакиевската катедрала, Бронзениот коњаник и познатите мостови и канали. Можност за факултативна посета на Петропавловската тврдина и Катедралата Св. Петар и Павле, каде се наоѓаат гробниците на руските цареви. Слободно време за индивидуални прошетки. Ноќевање.
Појадок. Слободен ден или можност за факултативна посета на Ермитаж, еден од најпознатите музеи во светот, сместен во поранешниот Зимски дворец. Во попладневните часови – можност за факултативно крстарење по реката Нева, со поглед кон најпознатите градски знаменитости и мостови. Слободна вечер. Ноќевање.
Појадок. Слободен ден или можност за факултативна посета на Пушкин – Царското Село, со разглед на раскошната Екатерининска палата и познатата Килибарска соба. Во попладневните часови – можност за факултативна посета на Петерхоф, летната резиденција на Петар Велики, позната по прекрасните паркови, фонтани и позлатени скулптури. Враќање во Санкт Петербург. Ноќевање.
Појадок. Трансфер до железничката станица и поаѓање околу 09:00 часот со брзиот воз Сапсан кон Москва. Патувањето трае околу 3 часа и 50 минути. По пристигнувањето – панорамски разглед на Москва: Црвениот плоштад, Кремљ, Катедралата Св. Василиј, Бољшој театар, Катедралата Христос Спасител, Новодевичанскиот манастир, Врапчево брдо, Универзитетот „Ломоносов“ и Паркот на победата. Сместување во хотел. Вечерта – можност за факултативна посета на Московското метро, познато по своите раскошно уредени станици. Ноќевање.
Појадок. Слободен ден или можност за факултативна посета на Кремљ, со неговите катедрали, дворови, Цар-ѕвоното и Цар-топот. Можност за дополнителна посета на Палатата на Оружјето, каде се чуваат царски круни, скиптри, кочии и други историски богатства. Во попладневните часови – можност за факултативна посета на Музејот на Бородинската битка. Слободно време. Ноќевање.
Појадок. Можност за факултативен излет до Сергиев Посад, еден од најзначајните православни центри во Русија, со посeта на Тројствената лавра на Св. Сергеј. Враќање во Москва и слободно време. Вечерта – можност за факултативно крстарење со брод-ресторан Radisson по реката Москва, со панорамски поглед кон осветлениот град. Ноќевање.
Појадок. Слободно време и одјавување од хотелот според хотелските правила. Можност за продолжено користење на собата со доплата. Во вечерните часови – трансфер до аеродромот. Полетување за Истанбул во 01:15 часот на 10.10.2026.
Пристигнување во Истанбул во 05:25 часот. Полетување за Скопје во 07:25 часот, со пристигнување во 07:55 часот.
