Италијанска бајка по Амалфитанскиот брег – КАПРИ, ПОЗИТАНО, АМАЛФИ И НЕАПОЛ.
Откријте ја најромантичната страна на јужна Италија – каде тиркизното Тиренско Море ги допира драматичните карпи, шарените куќи се спуштаат кон морето, а секој град раскажува своја приказна. Од гламурозниот Капри и шармантното Соренто, преку бајковитиот Позитано и историскиот Амалфи, до енергичниот Неапол, античка Помпеја, магичната Матера и уникатното Алберобело – ова патување е совршен спој на природни убавини, медитерански шарм, богата историја и автентични италијански вкусови.
ЦЕНИ НА ФАКУЛТАТИВИ:
НАПОМЕНА:
Состанок на Градската автобуска станица во Битола во 13:00 часот. Поаѓање за Албанија во 13:30 часот, преку Охрид, Струга и г.п. Ќафасан. Пристигнување во Драч во доцните попладневни часови и трансфер на траект. Испловување за Бари во 22:00 часот. Ноќевање на брод.
Пристигнување во Бари во 08:00 часот. Поаѓање кон Алберобело, уникатно гратче под заштита на УНЕСКО, познато по традиционалните камени куќички трули. Слободно време за прошетка, фотографирање и кафе. Продолжување кон регионот Кампанија и пристигнување во Соренто во попладневните часови. Сместување во хотел и слободно време. Во вечерните часови, по желба – прошетка низ центарот на Соренто. Ноќевање.
Појадок. Можност за факултативен целодневен излет на островот Капри. Поаѓање со хидроглисер од Соренто до Marina Grande. Организиран трансфер до Анакапри, прошетка со локален водич и слободно време. Продолжување кон градот Капри, со посета на Градините на Август, Marina Piccola, поглед кон познатите Faraglioni и прошетка низ центарот и Piazza Umberto. Состанок на групата во 18:00 часот и враќање во Соренто. Слободно време за прошетка низ центарот. Состанок во 21:30 часот и враќање во хотел. Ноќевање.
Појадок. Слободно време или можност за факултативен излет до Позитано и Амалфи, едни од најпознатите места на Амалфитанското крајбрежје. Посета на Позитано, познат по шарените куќи изградени на карпите, тесните улички и прекрасните погледи кон морето. Продолжување со брод кон Амалфи и можност да се доживее Амалфитанското крајбрежје од море. Прошетка низ градот и посета на Катедралата Св. Андреја. Враќање во Соренто во доцните попладневни часови. Слободно време. Ноќевање.
Појадок и одјавување од хотелот. Поаѓање кон Помпеја и можност за факултативна посета на еден од најпознатите археолошки локалитети во Италија, уништен од ерупцијата на Везув во 79 година. Продолжување кон Неапол и панорамски и пешачки разглед со стручен водич: Piazza del Plebiscito, Castel Nuovo, Teatro San Carlo, Palazzo Reale, Шпанскиот кварт и стариот дел Spaccanapoli. Слободно време, а во 18:30 часот – поаѓање кон Казерта, со попатна посета на трговскиот центар Campania. Сместување во хотел. Ноќевање.
Појадок и одјавување од хотелот. Поаѓање кон Матера, еден од највпечатливите градови во јужна Италија. Разглед на познатите Sassi di Matera, древните пештерски населби и уникатната архитектура по која градот е препознатлив. Слободно време за индивидуален разглед. Во попладневните часови – поаѓање кон Бари и посета на Базиликата Св. Никола, каде се чуваат моштите на светецот. Трансфер до пристаништето и испловување од Бари во 22:00 часот. Ноќевање на брод.
Пристигнување во Драч во утринските часови. Поаѓање за Македонија. Пристигнување во Битола во попладневните часови.
Може да ве Интересира
